Foto: 

Esta mañá 49 escolares de sexto de primaria CEIP O GRUPO de Ribeira comezaron as labores de limpeza na praia de Coroso no marco da actividade de dinamización de carácter medioambiental que promove o GALP 5 co obxectivo de difundir e dinamizar a súa
estratexia en todo o territorio da Arousa Norte a través de actuacións que promoven e fomentan a
protección e conservación do medio natural.

Máis alá da recollida, durante a actividade, os escolares, afondaron no coñecemento da xestión dos residuos; e tamén aprenderon a importancia da non contaminación das zonas de costa e os beneficios que iso supón para todo o territorio.

O programa terá lugar nos concellos de Ribeira, A Pobra do Caramiñal, Boiro, Rianxo e Catoira e contará coa participación directa de máis de 250 personas en actividades específicas adaptadas a cada colectivos e dos espazos nos que van ter lugar.

O concello de Ribeira acollerá esta mesma actividade tamén o vindeiro mércores día 30 (no mesmo horario) na praia de Coroso pero nesta ocasión os protagonistas serán un grupo de persoas adultas con diversidade funcional.